付500英鎊出席富豪飯局 香港女星積極找伴
出版日期: Wednesday, February 12, 2025
文本大小:
袁嘉敏（Candy）於2023年底移英展開新生活，雖然曾透露自己一直無抱怨單身生活，但積極認識新朋友，去年更自爆玩交友app，激讚app內的男性都好高質。近日，袁嘉敏拍片分享課金500英鎊（約4,800港元）出席「富豪飯局」。
袁嘉敏希望能夠認識更多新朋友，因此於早前受到會員朋友邀請，決定參加一個高級會所「Annabel's」嘅新年派對；據悉，Annabel's為倫敦一個設有舞池嘅高級私人俱樂部，主要客群為名流富人和時尚人士。
袁嘉敏表示特登買咗套黑色吊帶低胸及大露背長裙，當晚單獨前往，到達會場後卻發現其他出席嘅人都係上咗年紀嘅夫婦，大家與各自嘅伴侶面對面坐喺一張長方形枱中，因此袁嘉敏要坐喺主家席：「他們告訴我，你只有一個人，所以我要坐在枱的最後一個位。」
袁嘉敏又指，移英後希望融入當地生活，和來自歐洲或不同國家嘅人交流，想尋找另一半，因而唔會選擇市郊香港人較多嘅社區居住，而係選擇住喺倫敦Zone 1南肯辛頓。
除了表示不想談及香港的話題，亦指自己不會拍攝一般移英港人YouTuber所拍嘅影片題材，例如去超級市場購物、做咖喱魚蛋，香港傳統小食等等。
袁嘉敏亦於IG限時動態發文表示，自己移英後從無認識過香港人家庭；「我自己一個在英國生活，完全無親戚朋友。去活動食飯自己給錢有甚麼問題？」
