肥媽自爆炒股票輸半億
出版日期: Tuesday, December 13, 2022
文本大小:
人稱「肥媽」的知名藝人Maria Cordero將於下月27及28日重返紅館「開騷」，不少人都好奇退休多年的「肥媽」，為甚麼要復出開騷？「肥媽」接受媒體訪問時就自爆，於退休3年期間，炒燶股票輸近5000萬元。她更稱，「原來個天係要你做嘢，做乜話告別唔做啫！」
重倉5000萬輸剩200萬
年屆69歲的「肥媽」重出江湖，她接受《星島》訪問時自爆因由：「當日揸住4、5千萬現金，咪覺得應該告別囉。講完之後投資失利冇晒，我老公仲患上重病，前年走埋。」
「肥媽」復出開騷。
她更自爆，因為識人，「諗住唔會衰」，於是斥資5000萬元買入一隻關於電燈的香港科技股：「朋友仲保證話『衰咗咪畀返你囉！』點知佢都破咗產，點叫人賠？𠵱家嗰隻股票都停埋牌。」
她更憶述當初看着股價暴跌一刻：「嗰日喺TVB煮緊餸（錄影），睇住股價由8蚊大跌至8毫子，過咗幾日跌到8個仙，結果輸剩200萬」。她慶幸自己沒有炒孖展，但「過咗去就過去，唔係你就唔係你，冇得傾」。
「肥媽」現時亦於個人社交媒體帳號直播煮餸。
世界各地物業及鋪位已供滿
經歷「重創」後，「肥媽」沒有消極下去：「唔緊要嘅，個天都畀健康我做嘢啫，雖然跑唔返幾千萬條數，但都OK跑返少少嘅。至少喺世界各地嘅物業及鋪位全部已供滿，𠵱家可以過住平穩生活，賺吓錢做吓善事。」
「肥媽」在2016年舉行兩場紅館告別演唱會後，就退休享受生活，無奈17年「肥媽」老公Rick確診患上末期肺腺癌，「肥媽」為醫病已花費逾600萬元，再加上投資失利後，她現時復出工作，未敢再輕言退出。「肥媽」又透露已寫好平安紙分身家，海外物業會分給孫子。
「肥媽」近日分享她於卡沙巴的別墅。
曾代言德普科技
不少網民非常好奇到底「肥媽」買了甚麼股？翻查資料，「肥媽」曾擔任主要經營LED照明業務的德普科技（前股份代號：3823）的代言人，並收取3,000萬元的服務費，惟該筆費用是透過發行代價股支付，每股6元共500萬股。
但2016年6月，該公司遭到知名沽空機構Glaucus指控有財務造假等問題，給予「強烈沽售」評級，令德普股價兩日「斬倉」式暴跌94%，由「蚊股」變做「毫子股」，其後更跌至0.068元，成為「仙股」。該股份於2020年3月2日遭聯交所除牌。
假如「肥媽」一直未沽出相關股份，3,000萬元的服務費已蒸發大部份。
